Paraguay Ñe’ẽnguéra Sãmbyhyha (PÑS) omoirũkuri Guarani Comunicativo mbo’esyry ñemohu’ã ojejapóva Hospital General de Coronel Oviedo tesãirãmegua mba’apohárape g̃uarã, omotenondeva’ekue Unidad de Asuntos Lingüísticos (UAL), Ministerio de Salud Pública y Bienestar Social-pegua.
Ko mbo’esyry hi’are 50 aravo ha ipype oñomoarandu 62 mba’apohárape ha péicha omombareteve haguã ikuaapy ñane ñe’ẽ guaraníme ikatu haguãicha opavavére oñeñangareko porãve, hekópe ha toñemoañete tavaygua ñe’ẽnguéra derecho.
Paraguay Ñe’ẽnguéra Sãmbyhyha rérape oĩ Lic. Alcibiades Britez. Ministerio de Salud Pública y Bienestar Social-pegua Unidad de Asuntos Linguisticos rérape oĩ Maria Victoria Palma ha Dr. Diego Duarte, omoĩrũ ko kuatia’atã ñeme’ẽ ha ombovy’apavẽ umi oĩva’ekue ko mbo’esyrýpe akóinte ikyre’ỹ rehe oñemoaranduve haguã.
Mbo’esyry ojejapova’ekue rupive temimoĩmby omombarete ha omyasãi mokoĩve ñe’ẽnguéra tee jeporu hembiapokuéra apytépe oñeñangareko porãve haguã maymavetére, ojehechakuaahápe ijepokuaa ha avei tog̃uahẽ opavave tavayguakuérape.
