Logo de la [Institución Pública]

Marandu rehegua

  1. Portada
  2. Marandu
  3. Marandu rehegua

Tekojoparaeta Jehekombo’e Paraguáipe: Maestría Educación Indígena ha Intercultural rehegua

Facultad de Humanidades ha Ciencias de la Educación, Tetã Mbo’ehaovusu Concepción-pegua omyakã temimoĩmbyháicha omoñepyrũ rehe Maestría Educación Indígena ha Intercultural rehegua, oñemoneĩpyréva CONES Rembiapoukapy Ppy 96/2023 rupive, 22 jasykõi ary 2023 jave.

Temimbo’e rehegua

Ko maestría oguereko 62 temimbo’e oñemboheraguapýva, umíva apytégui 77,5% kuña ha 22,5% kuimba’e.

Umi temimbo’e apytépe oĩ avei 4% ypykuérava, Paî Tavyterã atýpegua. Ambue temimoĩmby hembýva katu ojehapereka moõguápa.

Hákatu oñeñe’ẽtaramo moõguipa ou hikuái ojejuhu 66% ouha Concepción tavusúgui, 19%, Amambay-gui, 4% Central-gui ha ambue tavusúgui. 89,36% oiko tavaháre ha 11% okaháre.

Mbo’ehára rehegua

  • Ko mbo’epy omyakã 10 mbo’ehára, oñembojoja kuña ha kuimba’e retakue (50% kuña ha 50% kuimba’e)

  • Umi mbo’ehára apytégui 100% oñemoarandu térã oñembokatupyre omuhu’ã rire tekombo’epavẽ, 20% ojapóma doctorado ha 50% oñemoaranduhína doctorado-pe.

  • Jepémo ko’ã mbo’ehára apytépe ndaipóri ypykuérava, 80 % ikatupyrýma tekombo’e tekojoparaeta reheguápe ha avei ypykuéra ñe’ẽ ñembo’épe.

Ojehecharamóva

Jepémo neĩra gueteri oĩ temimbo’e omohu’ãitémava imbo’epy, 74% ombohapéma tesis jehechauka. Temibo’ekuéra omog̃uahẽ hemiandu ha oikuaauka mba’éichapa og̃uahẽ hekohápe:

“Ko’ág̃a aikuaa mba’éichapa aipytyvõkuaa ore ñe’ẽ ha ore arandupy hekove resãi hag̃ua mbo’ehaópe”.
Temimbo’e ypykuérava omohu’ãpotaitéva imbo’epy.
“ Ko’ág̃a ikatu ambo’e chupekuéra ambue hendáicha ha’ekuéra oikũmby porãve hag̃ua”

Mbo’ehára omohu’ãpotaitéva imbo’epy.

“Ko’ág̃a hetave mba’éma areko che akãme ajaposéva ha aikuaáma mba’éichapa ajapóta umi polítika oipytyvõ añete hag̃ua ypykuéra atýpe”

Tetã mba’apohára omohu’ãpotaitéva imbo’epy

Marandu Jehupyty ha Jehekombo’e Virtual

Ko maestría oñemyasãi virtual ( taha’e sincrónica térã asincrónica), upévare oñemoarandukuaa tapicha opa tendárupigua.

Ojehechakuaa tekotevẽha oikoporãve pe internet ñemyasãi ha upévare ojeiporu ambuéichagua tembiporu taha’e offline ha jehekombo’e og̃uahẽva hekohápe.

Ñe’ẽnguéra Ñesãmbyhy

Jepémo ko maestría oñemyasãi  hetave jey castellano ñe’ẽme, oguereko avei mbo’epy guaranímegua ha oñemokyre’ỹ oñemomba’eguasu hag̃ua ypykuéra ñe’ẽ paraguaigua avarekokuaa ha tekombo’e rupive.

Etiquetas

Categorías