Ojehechakuaa umi español ñe’ẽ rayhuhárape

Oñemomorãvo «Español Ñe’ẽ Ára», Paraguái Ñe’ẽnguéra Sãmbyhyha guive ojehechakuaa umi tapicha ha temimoĩmby omba’apóva español ñe’ẽ rehe.

Ko tembiapo oñembosako’íkuri Tetã Ñoa’ãngatu Sãmbyhyha kotyguasúpe, ko 23 jasyrundýpe, 10:00 aravo guive.

Ojehechakuaávaniko omba’apo kyre’ỹ español ñe’ẽ rehe, taha’e ombo’évo térã omyasãivo yvytu pepo rehe. Upéicha oikuaauka ko ñe’ẽ reko, hembiasa ha arandupy oikóva hese.

Tapicha ojehechakuaavahína: karai José Moreno Antonio Rufinelli, karai Bernardo Neri Farina, kuñakarai Fides Isabel Gauto Marecos, kuñakarai Tilda Noemí Gil, kuñakarai Norma Elizabeth Silvia de Cáceres, kuñakarai Susana Trinidad, karai Iván González, kuñakarai Celeste Fleitas Guirland ha karai Julio César Meaurio Leiva.

Umi temimoĩmby katuhína: Instituto Superior de Lenguas (Facultad de Filosofía) ha Instituto Técnico Superior de Estudios Culturales y Lingüísticos Yvy Marãe’ỹ.