Oñemokyre’ỹ Tetã Mbo’ehaovusu Ka’aguasugua mba’apoharakuérape oikuaa hag̃ua Lengua de Señas Paraguaya

Léi Ppy 6530/20, “Omopyenda añetéva Lengua de Señas Tetã Ñe’ẽteéramo” ha Tembiapoukapy hesegua Ppy 9274/23 ryepýpe, Paraguái Ñe’ẽnguéra Sãmbyhyha (PÑS) Lengua de Señas Moakãhapavẽ rupive, omboguata peteĩ tembiapoguasu oñembohérava “Comunicación en Lengua de Señas Paraguaya para la Atención de Personas Sordas” Universidad Nacional de Caaguazú (UNCA) rógape.

Ko ñembokatupyry oñembosako’i mburuvicha ha mba’apohára mbo’ehaovusuguápe g̃uarã, ko tembiapo rupive oñeipytyvõ ko’ã tapichápe oñatendekuaa hag̃ua umi tapicha ohendu’ỹva rehe. Upépe oĩkuri avei Christian Martínez, UNCA mba’apohára Asociación de Personas Sordas Coronel Oviedo-gua, omombe’úva hembiasa ha hembiapokue ko atypeguaháicha.

Ko ñembokatupyry aja, ojehekombo’e rire mba’éichapa ojeporukuaa LSPy,  ojehechauka avei ko’ã mba’apohárape umi léi ha mbojojaha oñemoheñoiva’ekue ñe’ẽnguéra rehehápe, ko’ãva apytépe ojejuhu  Léi Ppy  4251/10 “Ñe’ẽnguéra rehegua”,omoañetéva avei yvypóra derécho iñe’ẽregua, ogueroikévo avei tapicha ohendu’ỹvape taha’e tetã rembiapópe, tekombo’épe ha maranduasãime.