PÑS oĩkuri Aranduka Jehechauka Buenos Aires-peguápe.

Ára 8 jasypo jave, sãmbyhyhára Javier Viveros oĩkuri ñomongeta aty hérava «La palabra indígena», mesa hérava “Palabras Madres.  Uniendo territorios a través de la poesía y el arte». -pe. Ko aty ojejapokuri Alfonsina Storni kotýpe, 48.ᵃ Aranduka Jehechauka Buenos Aires-pegua ryepýpe.

Ko mesa ñemba’aporãme oĩkuri María Carbonetti, Universidad de British Columbia rérape; Silvia Mellado, haihára ha avei ñe’ẽpoty mapuche raperekahára; avei  sãmbyhyhára Javier Viveros ha Carolina Testa, Inspirad@s  omoñepyrũva’ekue ha tembiapo omotenondéva.

Upépe avei, karai sãmbyhyhára omombe’u ñane ñe’ẽ ypy rembiasakue ko’ag̃aite peve, oguerekómava achegety, ñe’ẽryru, ñe’ẽtekuaa, ñe’ẽ rerekuapavẽ ha ko’ag̃aite peve ha’éva avei ñe’ẽ ojeporuvéva tetãpýre. Omombe’u avei mba’épa ohasa oúvo ko ñe’ẽ ñe’ẽasa ryepýpe. Ipahaitépe, omoñe’ẽ ñe’ẽpoty «Okaraygua akã sa’yju», Carlos Miguel Giménez rembiapokue ha «Umi tekove mini», ñe’ẽpoty Olga Orozco ohaiva’ekue ha Susy Delgado ombahasava’ekue guarani ñe’ẽme.

Ko tembiapo, oikova’ekue koty renyhẽme, oñemohu’ã vy’apópe ha mayma jepopetépe.